أيتاوي

25 نصيحة من الأيتاوية للخريجين والعاملين بالمجال الجدد

سألنا الأيتاوية من يومين :

لو حد جديد في مجالك طلب منك نصيحة واحدة — ممكن تكون إيه النصيحة دي ؟

الحقيقة كان فيه إجابات كثيرة جدا وعلشان كدة قلنا نجمع في مقالة واحدة ونحتفظ بيها لأي حد لسة هيدخل المجال .. كانت أكثر إجابة إتفق معاها الأيتاوية هي إجابة Muhammed Hedyia

ياخد كورس CS50 الاول ويختار تراك واحد بس ويمشي فيه

** الكورس هتلاقوا اللينك الخاص بيه في آخر المقالة

كانت أهم الإجابات كالآتي :

  1. كن صبورا لتتعلم ما تريد (Master Wael)
  2. اتعب ع نفسك (Amen Al Aloush)
  3. Self Study لأى حاجة وأبعد عن مراكز السبوبة (Ahmed Refet)
  4. الثانيه اللى بتضيع منك وانت مش مستفاد منها حاجه تأكد ان فى غيرك عارف قيمتها كويس  بمعنى اصح قدر قيمه الوقت (ISlam M. Abd ElRahman)
  5. التخصص فى مجال محدد (Tamer Omar)
  6. مجالنا ده اللى بتتطبق عليه قاعدة لازم كل يوم تشتغل على نفسك حتى لو نص ساعة يوميا تتعلم حاجة جديدة لان كل يوم فى علم جديد هتستقبله ازاى وانت مش ملم بالقديم …لازم تعمل سينك بينك وبين الكتب والفيديوهات غير كدة هتفشل (Mohamed Medhat)
  7. ماتبصيش تحت رجلك مهما كان الوضع صعب و خلي عندك ثقة عمياء ان ربنا عايزلك الخير حتى لو انت مش شايفة ده او مش مقتنعة بيه (Mai Magdie)
  8. ماتيأسش و اشتغل كتييييييييييير (Fatma Mohamed)
  9. دوس ومتخافش وحاول مره واتنين والف لو اشتغلت علي نفسك بجد هتوصل (Fatma I. El Desuky)
  10. حاول كتير جدا، هتفتكر انك مبتتقدمش بس كل مجهود بسيط هتشوف تأثيره قدام، مضيعش وقت، أختار الحاجة اللي بتحبها واتعب فيها، فيد وأستفيد متبخلش بعلم على حد، جرب حاجات جديدة حتى لو افتكرت انك مش هتجيب اخرها بس هتتعلم (Mariam Zekry)
  11. اكيد ربنا حطك في المكان الصح وعارف ايه المناسب ليك اشتغل علي نفسك و متستسلمش (Fatma Elzhraa)
  12. متقلقش من اختيارات ربنا ليك هو عرفك اكتر منك (Nour Fayed)
  13. افهم قبل متحفظ .. وبما انى ف مجال الشبكات فا كلمة المهندس احمد.نبيل قلهالهالى من زمان اللغات اهم من الشبكات .. قبل اى حاجة حاول تظبط لغة (Ahmed Gamal)
  14. اشتغل على نفسك كتير ودايما عينك على سعرك فى السوق وتذكر ذكاه العلم تعليمه لآخرين (Tarek Kamal)
  15. اعتمد على نفسك و سر النجاح فى مجالنا تبتدى self study للكورسات فى التخصص اللى حابه من سنة اولى هايوفر عليك حجات كتير (Sarah A-Aziz A-allah)
  16. يختار هو بيحب ايه و شاطر في ايه و يشتغل فيه و ان ال IT تخصصات كتير زي كليه هندسة كده بالظبط مش زي ما الناس بتقول علينا بتوع ال IT زي بتاع اللبن بالظبط (Basma Ebeid)
  17. علشان تتعلم صح اقرأ من الكتب وماتعتمدش على سماع الفيديوهات فقط (Mahmoud Bishr)
  18. بجد اتقى الله فى شغلك هترتاح (محمد عبد العزيز)
  19. متبقاش مغرور وساعد الى حواليك هتوصل وبلاش تبقى عصفوره اخبار 😀 (Ab’Doo M. Fadel)
  20. انك تبان شغال اهم من انك تشتغل (Abanoob Adel)
  21. هقوله اتعلم ازاي تدور في جوجل صح علي اي مشكلة تقابلك في المجال بتاعك او اي bug تقف قدامك (Mennatullah M. Metwally)
  22. ذاكر وطبق علطول ….ولما تشتغل …طبق البوليسي من اول يوم ..واللي عايز استسنا…يجيبوهولك رسمي (Waleed Abdel Gawad Sobhy)
  23. اعرف كل حاجة فى المجال وبعدها اتخصص فى الحاجة اللى هترتاح فيها واتعلم تدور فى جوجل وتتعلم لوحدك و ادخل فى كذا جروب لية علاقة بالمجال واهم حاجة كلام الناس خد اللى يزودك منة بس (Zina Hassan)
  24. سجل المشاكل الغريبه وحلها عشان هترجعلها بعد سنين (Amir Gamil)
  25. هناك صعوبات لكن لا يوجد مستحيل إن لم تجد حلا فاصنع واحدا (TiTo ITawy)

 

CS50: Introduction to Computer Science

أما عن كورس CS50 فهو كورس مقدم من جامعة Harvard في الأساس كمدخل لعلوم الحاسب وبيتكلم عن الأساسيات في كل التخصصات تقريبا – الكورس “مجاني” طبعا وتقدر تدخل ليه من هنا :
https://goo.gl/oPgvbI

 

كل الشكر لكل واحد ساهم في النصائح – ربنا يجازيكم خير …،

Ahmed Alhawary

مدون حر أهتم بالأخبار التقنية عامة والمقالات الموجهة للمختصين في عالم تكنولوجيا المعلومات خاصة

مقالات ذات صلة

شاهد أيضاً

إغلاق
إغلاق