تقنية

ماذا سيحدث لبياناتك وحسابك على جوجل بعد وفاتك !؟

يمكن دى حاجة مفكرتش فيها لكن بعد فاتك هيحصل ايه فى مملكتك على الانترنت ؟! ..هتعمل ايه فى ايميلك وحساباتك على المواقع المختلفة ؟!

يمكن فيسبوك عمل الخاصية دى وناس كتير مننا تعرفها وهى ان حد يتحكم فى حسابك بعد وفاتك ..لكن اللى كتير مننا ميعرفوش ان جوجل كمان موجود فيها الخاصية دى وتقدر تفعلها بسهولة وتقدر تتحكم فى اذا كان الحساب يتمسح او يتم مشاركة بعض المعلومات حسب ارادتك او يتم ادرته من حد انت تختاره..

علشان تعمل الخاصية دى .. – اعمل login بالحساب بتاعك وادخل الصفحة  دى https://www.google.com/settings/u/0/account/inactive  واضغط على setup 1

هنشرح الاربع اختيارات المتاحة :

أولا “alert me ” : هيتم تذكيرك لمدة شهر قبل ما أى حاجة تتم وهيكون مطلوب رقم موبايلك ..كمان هتدخل ايميل احتياطى بتستخدمه بانتظام تستقبل عليه الانذار اللى هيجيلك لانك لو هتعتمد على ال gmail بس ممكن متلاحظش وسط زحمة الرسايل اللى بتجيلك ..
2

ثانيا “timeout period ” : تقدر تحدد فترة من 3 شهور ل 18 شهر وأياً كانت الفترة اللى هتحددها هيتم تذكيرك لمدة شهر قبل ماالفترة تخلص

3

ثالثا ” Notify contacts and share data” : هنا عندك اختيارين اما تختار اشخاص موثوق فيهم وعندك فرصة لحد 10 اسخاص أو انك تعمل auto response فى الgmail ..

4
“لو ضغطت على trusted contacts” :- هتدخل ايميل الشخص الموثوق فيه ولو تحب انه يتم مشاركة بياناتك معاه يبقا اختار Share my data with this contact 5

فى الخطوة اللى بعدها هتحتاج تكتب رقم الشخص اللى هتختاره – ومتلقش مش هيوصله رسالة بإنك اختارته – وبعدها تختار ايه اللى هيتم مشاركته معاهم ..اختار اللى انت عاوزه وبعدها next 6

وبعد كدا هتكتب رسالة – اجبارية – للشخص الموثوق فيه هيتم ارسالها ليه بعد ما تخلص الفترة اللى انت حددتها ..خلص واعمل save وكرر العملية لو هتسجل اى شخص تانى ..

7

“لو ضغطت على set auto response in gmail ” :- هنا لو أى حد حتى خارج الاشخاص الموثوق فيهم بعتلك زى مثلا انك تكون بتدير شغل وحد طلب اوردر ..هيتم ارسال رسالة اتوماتيكياً للشخص دا معناها ان الشخص عموما مبقاش موجود

8

رابعا “optionally delete the account ” :- وهى انه يتم مسح الحساب تماما بعد الفترة اللى تم تحديدها .. لازم تاخد بالك انه مينفعش تمسح جزء من البيانات وتسيب جزء كمثال انك تمسح الايميل والhistory وتسيب بيانات الyoutube ..

9

بعد ماتخلص تماما اعمل enable

10

الوسوم

مقالات ذات صلة

إغلاق