مصادر تعليمية

كل مايجب أن تعرفه عن أجهزة chromebook والفرق بينها وبين أجهزة windows

ناس كتير كل اللى تعرفه عن الاجهزة المحمولة هو ال windows laptop , Mac لكن فى اختيار تالت وهو chromebook

ايه هو chromebook ؟
هو عبارة عن لابتوب عادى تقدر تستخدمه لعمل ملفات أو تدخل بيه على الانترنت أو تتواصل بيه بالايميل وغيرها من المميزات اللى أى لابتوب تانى بيقدمها لكن مع اختلاف انه مش بيستخدم windows او Mac ك operating system لكن بيستخدم chrome operating system وعلى عكس الباقى فال OS مش بيتم تخزينه على hard drive وبيعتمد اعتماد كبير على الاتصال بالانترنت و تطبيقات جوجل على الكلاود زى google Docs وغيرها .

ايه مواصفات الchromebook عموما ؟

التطبيقات “Apps” : مخصصة أكتر ل google apps زى gmail , google calendar ,google drive ودا فى الحقيقة ممكن يكون ايجابى وسلبى على حسب استخدامك فلو كنت من مستخدمى التطبيقات دى كتير فهيكون خيار مناسب ليك أما لو كنت بتستخدم خدمات تانية زى yahoo mail , outlook فتحتاج وقت أكبر للتعود على chrome OS ..

وللأسف برامج زى adobe photoshop , microsoft office غير متاحين عليه لكن تقدر فى نفس الوقت تستخدمهم عن طريق الكلاود على microsoft office online ..لكن لازم تعرف ان adobe أعلنت انه هيكون متاح قريب ولحد الوقت دا تقدر تستخدم pixlir editor من google drive على اللينك دا http://goo.gl/K4uMYU  وكمان فى برنامج open source ممكن تنزله على chrome OS اسمه GIMP image editor .

ولو الحدود دى ممكن تشوفها عيب هتلاقى ان chrome OS تقدر تنزل عليه كتير من android apps مجاناً حتى اللى بيكون معظمها بيُشترى على google play .

الاستخدام بدون انترنت “offline use “: هنا بيكون الاعتماد الكبير جدا على الاتصال بالانترنت بمعنى انك لو بعيد عن wifi هيكون صعب انك تشتغل على برامج كتير لكن فى أكتر من 200 برنامج وابلكيشن تقدر تستخدمهم وانت offline

الألعاب”Games” : هتقدر تلعب games لكن فى حدود الموجود على chrome web store ..العاب زى Bejeweled و Cut the Rope متاحين لكن مش بنفس ال title selection زى windows , Mac ..وعموما chromebook قوة ال graphic processing power فيه قليلة فأى لعبة زى Metro مثلا مش هتشتغل عليه بسهولة .


عمر البطارية “battery life ” : كل أنواع ال chromebook تقريبا عندها عمر بطارية عالى وكويس جدا بمتوسط 9 ساعات و 59 دقيقة


التحكم والحماية “Manageability & Security” : أنواع جديدة من الchromebook وهى chromebook for work – مميزات تحمل للضغط والاصطدام وغيره أكتر – فيها أدوات بيحتاجها ال it adminstrators للادراة من داخل وخارج المكتب ..كمثال Acer Chromebook 14 for work فيه TPM وهى عبارة عن  security chip بتساعد فى حفظ الملفات من الهاكرز .

أجزاء الهاردوير :

          (1) RAM : عادةً بتكون 2GB هو الstandard فى chromebook لكن فى بعض الانواع بتكون فيها 4GB لكن هتحتاج ال 4GB لو كنت مستخدم multitasker يعنى بتستخدم أكتر من تطبيق او برنامج فى نفس الوقت وهنا توقع انك تدفع 250 $ أو أكتر ..لكن بالمقارنة ب windows laptop فنلاقى ان 2GB هنقدر نفتح عدد من ال tabs على الباوزر كتير على عكس chromebook قدر يفتح 10 tabs بس !

(2) CPU : الprocessor وال RAM هما اللى هيحددوا أداء الجهاز ..Intel Celeron chips بتقدم أداء كويس لكن لو محتاج أداء اعلى اختار موديل core i3 وأجهزة زى Dell Chromebook 11  هيقدملك عمر بطارية اطول واداء اعلى ..على عكس ال windows laptops اللى هيكون فيها processor core i3 أداؤه ضعيف وعمر بطاريته 7 ساعات

جهاز زى Toshiba Chromebook 2 CB35 بمواصفات 1.7-GHz Intel Celeron 3215U CPU و 4GB RAM و  16GB solid-state drive وعمر بطاريته حوالى 10 ساعات وبيتكلف فى حدود 300$ ..

فى حين انك هتدفع أكتر لو هتشترى windows 10 laptop بما انه اقرب منافس كمثال جهاز Lenovo Ideapad 100 اللى بيتكلف 350$ اللى بمواصفات Celeron processor و 4GB memory عمر بطاريته 4 ساعات و 45 دقيقة .

 (3) storage size : كل أنواع ال chromebook بتكون بسعة تخزين 16 GB وتقريبا دا كل اللى هتحتاجه لانها اجهزة غير مصممة لتحميل ابلكيشن بحجم كبير أو media لان اعتمادها الكلى على استخدام الكلاود لكن بعض الاجهزة زى Toshiba Chromebook 2 CB35 بتيجى ب SD card reader ودا معناه انك تقدر تزود المساحة ل 64GB .
ومع كل جهاز chromebook فى google drive بيديك 100 GB مجاناً ..

– لو كنت هتشترى أى نوع من انواع ال chromebook لازم تاخد فى الاعتبار انه محتاج حد يكون له تعامل بالتكنولوجيا كويس ..فى ناس بتواجه صعوبة فى التعامل مع الويندوز بالفعل لكن فى أشخاص عندهم استعداد يبدأو يتعلمو من جديد على OS جديد ويتعاملو مع ان برامجهم أو تطبيقاتهم المفضلة غير متاحة ويدورو على بديل ..

أما بالنسبة لمتوسط التكلفة فتقدر تشترى  Lenovo 100S Chromebook بيكلف $199 بمواصفات1.6 inch display و 2GB RAM
أو توصل لأعلى تكلفة لجهاز Acer Chromebook 14 for Work بيكلف $749.99 بمواصفات 14 inch notebook و core i5 processor اللى فعلا chromebook مش بيحتاجه ..
ونصيحتنا انك متدفعش أكتر $600 ودا هيكون على جهاز the Acer Chromebook 14 بمواصفات Core i3 CPU, a 1920 x 1080-pixel display, storage 32GB ,8GB RAM  تم تقييمه ب 4 نجوم  ..

الوسوم

مقالات ذات صلة

شاهد أيضاً

إغلاق
إغلاق