لو كنت مبرمج وعلى وشك دخول انترفيو فهتحتاج تعرف أشهر الاسئلة وأفضل الاجابات عليها ..

  1. يعنى ايه computer programming ؟
    البرمجة عموما عبارة عن عملية بتتضمن أكتر من عملية أخرى زى التكويد والdebugging والكتابة وتصميم الخوارزميات وغيرها ..
  2. ازاى البرمجة بتشتغل ؟
    البرمجة بتتضمن مجموعة من الاوامر بمهمات مختلفة ينفذها الكمبيوتر وبنسميها executable commands يعنى أوامر بتتكتب وتتنفذ وكل أمر بغرض معين مختلف عن التانى .
  3. ايه هو ال debugging ؟
    هو عملية ايجاد ومسح الاخطاء الموجودة فى البرنامج وخلالها الاخطا بتظهر بعلامة مميزة للمبرمج
  4. اذكر أنواع الاخطاء ممكن تظهر أثناء عملية ال executing للبرنامج ؟
    – syntax errors
    – runtime errors
    – logical errors
  5. امتى يحصل syntax error ؟
    لما يكون فى خطأ فى قواعد اللغة المكتوب بيها البرنامج ودى بتظهر أثناء عملية ال compiling لما الcompiler يبدأ يترجم أوامر البرنامج
  6. امتى ال runtime error بيحصل ؟
    ودا بيظهر لما الكمبيوتر يتوجهله اوامر بعملية غير منطقية زى قسمة رقم على الصفر كمثال ..وهو الوحيد من الاخطاء اللى بيظهر خلال عملية ال execution وبمجرد وجوده العملية بتقف وبيظهر رسالة توضح مكان الخطأ
  7. كذلك امتى يظهر logical error ؟
    لما يكون فى عملية غير منطقية ودا ال compiler مش بيظهره وعلشان كدا يعتبر من أصعب أنواع الاخطاء
  8. ايه هو ال flowchart ؟
    عبارة عن شرح تصويرى ” بالصور” للبرنامج بيسهل علينا فهمه وفهم ال algorithm اللى فيه
  9. ايه هيا ال algorithm ؟
    عدد معين من الخطوات اللى نتبعها لعمل مهمة او وظيفة معينة ولازم تكون واضحة ولها هدف مؤثر
  10. ايه هيا ال variables “المتغيرات ” ؟
    مجموعة من ال locations اللى بتتحجز علشان ندخل فيها ال inputs والعمليات الحسابية الخاصة بالبرنامج ومن الاسم فقيمتها متغيرة فى البرنامج
  11. يعنى ايه reserved words “كلمات محجوزة ” ؟
    من الاسم كلمات متقدرش تستخدمها فى غير مكانها فى البرنامج ولا تستخدمها كمتغيرات ودا لانها متعرفة بالفعل بدلالات معينة زى :  if , else , then
  12. ايه هيا ال loops ؟
    عبارة عن structure ثابت بيتكرر عدد معين من المرات أو ممكن عدد لانهائى على حسب الحاجة ودا بيوفر علينا كتابة جملة واحدة أكتر من مرة وبالتلى توفير وقت وجهد ومساحة
  13. اذكر بعض من أنواع ال loops ؟
    ** for..next
    ** while..wend
    ** Nested
  14. بيستخدم فى ايه ال for .. next loop ؟
    لما نكون عارفين عدد مرات التكرار اللى محتاجينها هيكون نوع ال loop دا هو أفضل اختيار
  15. ايه استخدام while ..wend loop ؟
    على عكس ال for ..next فلما يكون عدد مرات التكرار غير معروف هيكون استخدام while loop أفضل حل لانه بينفذ جمل الاوامر لحد ما الشرط يكون false
  16. استخدام nested loop ؟
    لما يكون عندى loop داخل loop أكبر هنا يسمى nested loop
  17. يعنى ايه documentation ؟
    وصف تفصيلى لخوارزمية البرنامج المكتوب وتصميمه والكود الخاص بيه و ال testing وطريقة استخدامه ..
    ال documentation مطلوب ومهم جدا سواء للمستخدمين اللى بيعتمدو على البرنامج أو المبرمجين اللى ممكن يعدلو او يعملو update على البرنامج .
  18. ايه وظيفة ال compiler ؟
    هو عبارة عن برنامج بيحول لغة البرمجة -المكتوب بيها البرنامج واللى بنسميها high level – الى لغة الآلة اللى هيا ال 0,1
  19. ايه هيا الconstants “الثوابت” ؟
    من الاسم وعلى عكس ال variables اللى قيمتها متغيرة فهى أماكن بيتم حجزها مرة واحدة فى البرنامج ولا يمكن تغييرها او تعديلها خلال عملية ال execution
  20. اذكر نوعين من أنواع الثوابت ؟
    ** numeric constants
    ** string constants
  21. عرّف ال numeric constants “الثوابت الرقمية أو العددية ” ؟
    عبارة عن integers أو single precision أو double-precision بتحمل القيم اللى ممكن عدها وليس فيها موجب أو سالب
  22. عرّف ال string constants ؟
    عبارة عن حروف موجودة بين double quotation ” ” وأكبر عدد من الحروف هو 255.
  23. يعنى ايه operators ؟
    رموز تستخدم لاتمام عملية على البيانات وبتضمن العلاقات المنطقية والرياضية وغيرها
  24. ايه هيا ال array ؟
    مجموعة من الاماكن المتتابعة فى الميمورى اللى بتحمل بيانات من نفس النوع
  25. ايه هو ال subroutine ؟
    محتوى خاص بيحمل بعض من الاوامر اللى ممكن يتم استدعائها من البرنامج الرئيسى ليتم تنفيذ اوامر محتواه وبعدين يرجع تانى للبرنامج الرئيسى
  26. ايه الغرض من ال arithmetic operators ؟
    تستخدم لتنفيذ العمليات الحسابية على القيم الرقمية
  27. الغرض من ال relational operators ؟
    تستخدم للمقارنة بين قيمتين اما يكونو true او false
  28. عرّف ال low level language ؟
    هى اللغة اللى بيتم تحويلها مباشرة الى لغة الآلة ولاتحتاج الى compiler لتحويلها
  29. عرّف ال high level language ؟
    لغة اسهل وأقرب وأسهل للمبرمج فى الكتابة والتعامل من ال low level وبكدا بتحتاج ل compiler لتتحول للغة الآلة
  30. اذكر بعض من ال modeling languages ؟
    • Business Process Modeling Notation
    • EXPRESS
    • Extended Enterprise Modeling Language
    • Flowchart
    • Fundamental Modeling Concepts
    • Jackson Structured Programming
    • Unified Modeling Language
    • Alloy (specification language
    • Systems Modeling Language
مستنيين تعليقك

عن المؤلف

Mai Amer